لطالما كان احتراف لعبة "فري فاير" غاية يتمناها اللاعبون أن يصلوا إليها. وهناك أسباب كثيرة تدفعنا للبحث عن كيفية احتراف اللعبة، مثل التغلب على أحد أصدقائنا الذين يتحدوننا، أو الاستمتاع باللعب، أو تصوير اللقطات. أيًا كان السبب، كلنا نعلم مدى أهمية الاحتراف. لذلك، من خلال قراءتك لهذه المقاله للنهاية، ستعرف كيف تحترف اللعبة بكل سهولة.
كيف تكون سريع في لعبه فري فاير
أحد الأشياء التي تتحكم في كونك سريعًا في اللعبة أم لا هو الحساسية، والأمر الذي يتحكم في زيادة الحساسية أو نقصانها هو إعدادات الحساسية الموجودة في اللعبة، كما أن حساسية لمس الشاشة الخاصة بكل هاتف تؤثر أيضًا. بالنسبة لإعدادات الحساسية وكيفية اختيارها، الموضوع في غاية البساطة. ستذهب علي لعبه فري فاير ثم تختار الاعدادات ثم اعدادات الحساسيه وانصحك بوضع حساسيه العام 123 .
خطوات احتراف السرعه
أولًا يا أساطير، الجيم بلاي بيختلف عندنا، يعني مثلاً طريقة لعبك في "الكلاش سكواد" مش هي هي تبقى نفس طريقة لعبك في "المصنفة" أو "الرانكد". خلينا نمسك حاجة حاجة. بالنسبة مثلاً لـ"المصنفة" أو "الرانكد"، أولًا عشان تبقى سريع في "الرانكد" أو في "المصنفة" أنت محتاج تمشي على أسلوب معين، محتاج تحدد من البداية هل أنت بتلعب سكور ولا بتلعب كيلات. ونفترض مثلاً إنك بتلعب سكور، هنمسك حاجة حاجة برضو. أوكيه، في تفريعات كتير في مقاله اليوم. لما أنت تيجي تلعب سكور، أنت محتاج تعرف الأسلوب اللي أنت تلعب بيه، زي إيه مثلاً؟ زي إنك في البداية ما بتنزلش في أماكن حامية، بتنزل في أماكن هادية. تاني خطوة بتعملها إنك بتلوِّت كل الشنطة اللي أنت عايزها، سواء بقى من متكت أو طلق أو الأسلحة المفضلة ليك وهكذا يا أساطير. تاني حاجة، بتبدأ تقرب من دخول الزون أو تعرف الزون الأخيرة فين وبتروح للمكان ده. بعد كده يا أساطير بتبدأ إنك تشوف الفايتات وتوجهها. أوكيه، ده أسلوب هيسرع اللعب لأن في نوعين من السرعة: السرعة في ردة الفعل أو اتخاذ القرارات، وفي سرعة في اللعب ذات نفسك.
كيف تكون سريع في الفايتات
بالنسبة للسرعة اللي في اللعب ذات نفسه، إحنا اتفقنا إزاي هنظبط الحساسية بتاعتنا وهكذا. تاني حاجة يا أساطير، إزاي السرعة في الفايتات؟ إن إحنا اتكلمنا عن سرعة ردة الفعل والأسلوب والكلام ده. السرعة في الفايتات ده اللي ياخدنا للجزء التاني، وإن الناس اللي بتلعب على الكيلات مش شايف يا جماعة اللي أنا قلته لهم في الأول بالنسبة للجماعة اللي بيلعبوا سكور. بالنسبة للجماعة اللي بيلعبوا كيلات، مهم جدًا إنك تكون سريع في النزول بالمظلة عشان تكون أول واحد يقدر ياخد أي سلاح. أوكيه، لأن أول واحد بيقرر ياخد سلاح مثلاً في مناطق زي البيك أو حاجة زي كده، بيكون له نسبة كبيرة إنه يتفوق على اللاعبين اللي نزلين معاه في نفس المنطقة. تاني حاجة، يا أساطير، إنك تكون سريع في ردة فعلك في الفايتات. زي إيه مثلاً؟ زي إنك لو في شخص بيبش عليك، حطيت تلجه، ولاحظت إن في شخص من على اليسار هيجي ويدعمه، فمعنى كده إن ما ينفعش إنك تفضل في نفس المكان بتاعك، إن لو هجم لاعبين سوا عليك، فرص إنك تكسب قليلة، فتعمل إيه؟ تقوم مثلاً مغير مكانك، مغير مكانك مثلاً لكفر تاني بحيث إنهم ميكنوش عارفين أنت فين. بحيث إنه لما الاتنين دول يتحركوا مع بعض، على الأقل يكون عندك فرصة إنك تضرب عليهم وتوقع واحد فيهم وتكون الأمور متعادلة شوية. لازم يا أساطير في الفايتات تكون سريع في تبديل السلاح. يعني مثلاً إيه؟ لما سلاحك يخلص، تكون سريع في إنك تاخد السلاح اللي بعده.
ازاي تكون سريع البديهه
لازم يا أساطير برده تكون سريع البديهة. إزاي يا أساطير؟ يعني مثلاً بشوف فيكم ناس كتير، الحاجة اللي أنا أساسًا كنت بعملها إن السلاح مثلاً يكون فيه 35 طلقة، وأنت يا دوبك ضربت فيهم أربع طلقات بس، وتعمل إعادة تعبئة للسلاح في وسط الفايت. طب ما ده غلط. لازم تعرفوا يا أساطير أو تحطوا في بالكم إن الدم تبع اللاعب بيكون 200، أقصاها 280 مثلاً. يعني ما أعرفش هو بيوصل كام بالشخصيات بالظبط، ولكن نفترض مثلاً 250، ونفترض إنك عندك الإم 4 هيدمج 25. فبالتالي، عندك الأربع طلقات بـ 100، وأربع طلقات بـ 100، فإنت محتاج حوالي 10 : 12 طلقه عشان تتغلب علي اللي قدامك. يا عم، قول 10 طلقات التانيين هيروحوا في الفست والخوذة والكلام ده، فإنت محتاج 22 طلقة، والسلاح مثلاً فيه 40، فمهما تضرب عليه، هيفضل معاك كتير. فما تعمرش السلاح بتاعك في وسط الفايت. أوكيه، تعمره إمتى؟ لما خلاص السلاح بقى داخله خمس طلقات ويخلص أو حاجة زي كده. الموضوع ده بيفرق جدًا.
كيف تكون سريع في الجيم بلاي
طب يا أساطير بالنسبة للجيم بلاي اللي بيكون مثلاً زي "كلاش سكواد" أو "رومات" أو حاجة زي كده، أولاً عشان تبقى سريع في "كلاش سكواد"، أنت محتاج أسلوب معين في البداية، زي إيه مثلاً؟ زي هل هتلعب مدى بعيد ولا مدى قريب؟ هتركز على الأسلحة اللي هي بعيدة المدى ولا تركز على الأسلحة القريبة المدى؟ لأن مثلاً لو هتلعب بعيد، فانت محتاج مثلاً أسلحة وان شوت، زي النقار، تلعب مثلاً زي "الدراجانوف"، تلعب بسلاح مثلاً زي الأوم وهكذا. طيب، بتلعب بالأوم؟ محتاج تظبط الشخصيات اللي بتفيد الأوم. تفرق جدًا حكاية أسلوب اللعب دي يا أساطير. إحنا تكلمنا إن السرعة عبارة عن ردة فعل، وعبارة عن فايتات. تاني حاجة، أنت مهم جدًا تركز عليها في "كلاش سكواد" هي عدم الاندفاع وعدم الثقة الزايدة في نفسك. يعني على الأقل احترم الخصوم اللي قدامك. يعني لازم لما تلعب تكون عارف أنت هتعمل إيه، ومش مجرد أنك هتنزل وخلاص وتهجم وتهجم عشوائي. هتخسر، ده أكيد. لو عايز ترتفع مستواك وتوصل "جراند ماستر"، فأكيد الموضوع مش مجرد أنك هتندفع وتهاجم عشوائي. لا، لازم يكون عندك أسلوب معين، فلازم تلعب مع أصدقائك على خطة معينة.
اترك تعليقك اذا كان عندك اي استفسار او طلب :