التطبيق ايضا بيقدم إعدادات الجرافيك، لو دخلنا عليها هيقولك اختار عدد الرامات تبع الجهاز بتاعك، ومعاك من صفر رام لحد أكتر من 8 رام. وتختار الرامات وتبدأ أنت إيه، تاخد إعدادات الجرافيك وتروح تعملها في اللعبة. بالنسبة بقى Custom Hud Settings اعدادات وسائل التحكم، لو دخلت عليه هيجيلك إعدادات لاصبعين وثلاث أصابع وأربع أصابع، تقدر يعني تلعب بيهم.

طرق الهيدشوت في فري فاير

أنا هشرح لك النهارده طريقة بتنفع يعتبر في جميع حالات تحرك الخصم اللي قدامك، ولكن مع تغيرات بسيطة. يعني إيه؟ مثلاً، إحنا هنشرح طريقة اسمها الدراج هيدشوت. الدراج هيدشوت هي عبارة عن إيه؟ عبارة عن إن أنت بتحرك زر الضرب بطريقة معينة بتخليك تجيب هيدشوت. والطريقة دي جايه بناءً على سيكولوجية اللعبة ذات نفسها هي ماشية إزاي، وإن دائرة الإيم بتمسك في الخصم الأول. فعشان كده لازم أنت تثبتها بطريقة معينة، ولما تيجي ترفع زر الضرب، زر الضرب يرفع على الرأس وهكذا يا أسطورة. لأن لو رفعت زر الضرب دايركت، الإيم هيمسك الأول خلاص كدا أنت أساساً رفعته فمش هتعرف ترفع تاني فمش هتجيب هيدشوت. هي دي الفكرة. فإحنا عشان نتفادى الموضوع ده، بنعمل إيه؟ أول حاجة بتحط دائرة الإيم اللي هي موجودة عندك في منتصف الشاشة، قريبة من الخصم.  تحطها فوق الخصم، تحطها على شمال الخصم، يمين الخصم، مافيش مشكلة. المهم إن هي تكون قريبة من جسم الخصم. بعد كده هتنزل زر الضرب لتحت، أوكي؟ يعني هتسحب زر الضرب لتحت. هتلاحظ بقى إن الإيم طبعاً مسك في الخصم. بعد كده هترفع زر الضرب لفوق تمام. مهما كان الخصم، بقي والله لو الخصم على اليمين، هتحط دائرة الإيم قريبة من الخصم وتنزل زر الضرب لتحت وتسحب زر الضرب لفوق. ولكن في الحالة دي هو الخصم على اليمين شوية، فترفع زر الضرب لفوق بس على اليمين شوية. على حسب بقى حركة الخصم أو على حسب رأس الخصم موجودة فين. هل هو ثابت، فانت بترفع زر الضرب لفوق، ولا رأس الخصم متحركة على اليمين، فبترفع زر الضرب لفوق بس على اليمين شوية، ولا على اليسار وهكذا يا أسطورة.

الطريقة دي بتنفع في جميع الحالات. إذا كان الخصم ثابت، بيتحرك، بيتشقلب، هتنفع معاك الطريقة إن شاء الله. في طريقة تانية يا أساطير هعلمها لكم، وهي طريقة يعني مختلفة شوية عن طريقة الدراج هيدشوت اللي أنا لسه شارحها. الطريقة بكل بساطة يا أسطورة بتحط دائرة الإيم تحت رجل الخصم. بعد كده بتبدأ ترفع زر الضرب لفوق. لو مثلاً الخصم متحرك على اليمين، فأنت بتحط دائرة الإيم اللي موجودة في منتصف الشاشة على اليسار تحت شوية، وبترفع زر الضرب لفوق بس على اليمين شوية، اتجاه رأس الخصم.