طبعًا نزل التحديث الجديد وتغيرت الإعدادات وبدل ما كانت 100 أقصى حاجة بقت 200. وأكيد أنت حاليًا محتار تحط إعدادات الحساسية كام، وغير كده أصبحت مش قادر تجيب هيدشوت. عشان كده أنا عملت المقاله دي واللي من خلالها هتحصل على أفضل إعدادات الهيدشوت بعد التحديث الجديد حسب نوع الموبايل اللي أنت بتمتلكه، واللي بالتالي هتساعدك على احتراف الهيدشوت بسهولة وتحسن مستواك في اللعبة.

تطبيق يعطيك اعدادات الهيدشوت في فري فاير

طبعًا أنتم عارفين إن في أنواع كتير من الهواتف، وغير كده إن كل نوع موبايل في أنواع فرعية منه. مثال مثلًا: في موبايلات سامسونج، في أوبو، في لينوفو، في هواوي وهكذا. يعني من ضمن موبايلات السامسونج في سامسونج فئع S، في سامسونج فئة A، في سامسونج فئه M، أنواع كتير يعني، فمستحيل أديك إعدادات لكل الأنواع اللي موجودة في العالم. عشان كده أنا عملت تطبيق اسمه Weka Settings. التطبيق حاصل على أكثر من مليون تحميل وتقييمات جدًا عالية.

شرح تطبيق Weka Settings

فكرة التطبيق إنه بيتعرف على نوع الجهاز اللي أنت بتمتلكه، ويبدأ إنه يديك جميع إعدادات لعبة فري فاير اللي بتناسب نوع الجهاز بتاعك. إحنا لما ندخل على التطبيق، هيجيلك الصفحة الرئيسية. أول حاجة هنشرحها وهي Headshot Settings إعدادات الهيدشوت، لو دخلت على الزر ده، هيقولك: "اختار نوع الجهاز اللي أنت بتمتلكه." عندك خيار موبايل فون وعندك بي سي. لو أنت موبايل، هتختار موبايل، هيبدأ إنه يسألك: "هل أنت بتستعمل دي بي آي ولا لا؟" لأن اللي بيستعمل دي بي آي، فهو بيزود حساسية الموبايل من الموبايل ذاته. فطبعًا الحساسية بتختلف، واللي مش بيستعملها هو بيعتمد على الحساسية داخل اللعبة. ونفترض مثلًا أنا كمستر ويكا مش بستعمل دي بي آي. فهختار No، هلاقي إن التطبيق تعرف على نوع الجهاز تلقائيًا وهيبدأ يديني الإعدادات اللي تناسب جهازي من اعدادات الحساسية. الحاجة التانية اللي بيديهالك التطبيق وهي حجم زر الضرب. لو دخلت عليه، هيقولك هتحط حجم زر الضرب كام بالظبط، لأن زي ما أنتم عارفين إن إعدادات الهيدشوت بتتكون من إعدادات الحساسية وحجم زر الضرب وبعض الأسرار وكمان طرق الهيدشوت.

حل التطبيق من هنا

لو رجعنا واختارنا "Yes" هيتعرف على نوع جهازك تلقائيًا وهيجيلك يا أسطورة اعدادات الحساسية ولكن الحساسية مختلفة، وحجم زر الضرب مختلف برضو، وهيديك الدي بي آي. بالنسبة للبي سي، أنت بتروح على بي سي، بتختار نوع المحاكي بتاعك، ونفترض مثلًا بلوستاكس. هيجيلك يا أساطير بقى إعدادات الحساسيةالل  هتحطها في المحاكي، وحجم زر الضرب اللي هتحطه في المحاكي. وكمان هيجيلك إعدادات المحاكي ذات نفسها.

لو روحنا على الصفحة الرئيسية، الزر التاني عندنا وهو Custom Hud Settings. لو دخلت عليه، هيديك بقى إعدادات اللعب ذات نفسها. إعدادات أصبعين، ثلاثة، أربعة، خمسة، زي ما أنت حابب. التطبيق بيقدم برضو في الصفحة الرئيسية Graphic Settings. لو دخلت على الزر دا، هيجيلك اعدادات الجرافيك اللي تناسب قوة الجهاز بتاعك، بحيث إنه ما يحصللكش لاج وتقدر تستمتع باللعبة.

لو حابب بقى تحصل على الإعدادات الشخصية، إعدادات أنا مستر ويكا، هتروح على مستر ويكا ثيتنجز، تختارها، هيجيلك بعده الحساسية، سنسي ثيتنجز اللي أنا حاططها، وفاير بتون سايز، حجم زر الضرب اللي أنا بلعب بيه، كاستم اتش يو دي ثيتنجز، إعدادات اللعبة اللي أنا بلعب بيها. وبالمناسبة، بلعب ثلاثة أصابع، يعني حتى برضو الزر ده بيتحدث حسب ما أنا بغير في الإعدادات بتاعتي.

طرق الهيدشوت في فري فاير

مهم جدًا تعرف طريقة الهيدشوت اللي أنت هتستعملها، لأن الموضوع مش مجرد رفع زر الضرب لفوق وبس. لا، أنت شايف دائره الايم اللي بتكون موجودة في منتصف الشاشة، دي مش محطوطة وخلاص. دي محطوطة علشان تحطها بالمكان اللي أنت عايزه. إحنا عندنا في طريقة الهيدشوت اللي أنا هشرحهالكم. أول حاجة تحط دائرة الايم اللي هي موجودة في منتصف الشاشة في منتصف الخصم اللي هو قدامك، اللي هو العدو. بعد كده هتنزل زر الضرب لتحت. يعني هتسحب زر الضرب لتحت، وعلى طول هترفع زر الضرب لفوق. هتلاحظ إنها جات معاك هيدشوت وبكل سهولة. والطريقة دي بالمناسبة اسمها طريقة الدراج هيدشوت. في ناس هتقول: أنا مش بعرف أنزل زر الضرب حتى في ناس هتقولك بنزل زر الضرب بس مش بلحق أرفعه. حابب اقولكم دا طبيعي لانك لسه بتتعلم حاجه جديده ومع التدريب الامور هتظبط وهتتقنها. وكمان لما تيجي تعمل طريقة الهيدشوت، اثبت ثانية، سيب زر التحرك اللي هو على اليسار ده، وابدا أنك تحط دائرة الايم اللي في منتصف الشاشة في منتصف الخصم عند صدر الخصم. كده ونفذ الطريقة بسرعة، لأن أنت لو بتتحرك وبتعمل حركة الهيدشوت هيتشتت معاك الايم جدًا.