من أكتر الحاجات اللي بتأثر على لعبنا في لعبة فري فاير هي إعدادات اللعب، لأنها المسؤولة عن سرعة اللاعب. لو كانت عندك إعدادات كويسة وحاطط الأزرار في مكان كويس، هتبقى سريع. وطبعا السرعة مهمة جدا في احتراف لعبة فري فاير، وكمان بعد ما نشرح الإعدادات هعرفك إزاي تحصل على إعدادات لو كنت بتلعب بإصبعين أو حتى أربع أصابع أو حتى خمس أصابع يا أسطورة،في نصائح برضو أنا هقولها مالهاش دعوة بالثلاث أصابع، لها دعوة بكيفية اللعب وكيفية إنك تبقى لاعب سريع في لعبة فري فاير.

افضل اعدادات فري فاير باستخدام 3 اصابع

أولا، يا أساطير، عشان تبقى لاعب سريع في لعبة فري فاير، إحنا اتفقنا إننا عايزين إعدادات كويسة، ولكن الإعدادات مش كل حاجة، هي الإعدادات بتساعد فقط. في البداية كده، ليه أساسا إحنا محتاجين الإعدادات؟ لأن كل ما كانت الأزرار في مكانها الصحيح وكمان كانت في أفضل مكان ليها، كلما كان الوصول ليها سهل، وكمان التعود عليها بيبقى أسرع وأسهل. فعلشان كده، أنت بتبدأ تعمل أكتر من حركة في نفس الوقت، فيبان إنك سريع في اللعبة. أما لو حطيت الأزرار في مكان بتستغرق وقت إنك تروح تعملها أو إنك تروح علشان تضغط عليها، فده اللي بيخليك بطيء، مع إن مثلا ممكن تكون حركة الأصابع بتاعتك سريعة، ولكن الأزرار في مكان غلط، ده اللي بيخليك إنك مش عارف تبقى سريع. في ناس هتقول لي: "طب يا مستر ويكا، هل السرعة مهمة أساسا في لعبة فري فاير؟" يعني الهيدشوت مش أهم حاجة؟

هل السرعه مهمه ام الهيدشوت اهم؟

طبعا، الهيدشوت مهم جدا في إنك تتخلص من اللاعب اللي قدامك بطلقه واحدة. أوكي، إحنا عارفين إن الهيدشوت بيموت من طلقة واحدة، ولكن تعمل إيه لو يعني اللي قدامك أساسا مش بيلعب على الهيدشوت وبيلعب على الأصفر؟ يعني، هتعمل إيه لو لعبت مثلا في روم، كل اللي بيعمله هو إنه يحط تلج بسرعة وسريع في الحركة، وبيضرب عليك مثلا طلق أصفر وكده، ومش مهم عنده الهيدشوت، مهم عنده موضوع إن هو يفوز عليك. طبعا، مش هتعرف تتعامل معاه لأن الناس اللي يعرفوا يتعاملوا أو يعرفوا يجيبوا هيدشوت وكده، بيعتمدوا إن اللي قدامهم برضو بيحاول إن هو يتحدى في الهيدشوت، فبتيجي معاك سهلة. فتعمل إيه لو اللي قدامك أساسا مش عطيلك فرصة أو مش بيظهر نفسه بسرعة؟ يادوب بيظهر نفسه، يضربك، ويحط التلجة بسرعة، فانت لازم تبقى سريع عشان تعرف تتعامل مع النوع ده.

افضل اعدادات فري فاير ثلاث اصابع

علشان تحصل علي افضل اعدادات فري فاير باستخدام 3 اصابع إحنا هنستخدم تطبيق سهل وهوWeka Custom Hud. التطبيق ده يا أسطورة بيقدملك إعدادات للعبة فري فاير إذا كنت بتلعب بإصبعين، ثلاثة، أو أربعة، أو حتى خمسة. وكمان بيديك أفضل حجم لزر الضرب. كل ما عليك يا أسطورة تفتح التطبيق هيجيلك الصفحة الرئيسية، تختار منها Custom Hud Settings، ثم تختار نوع الجهاز بتاعك. نفترض مثلا موبايل فون. هيجيلك بعد كده، اختر عدد الأصابع اللي أنت بتلعب بيها: أصبعين، ثلاثة، أربعة، أو خمسة. إحنا اتفقنا هنشرح على ثلاث أصابع. هنضغط على "3Fingers"، هيبدأ إن هو يديك أكتر من إعدادات، يعني مش إعداد واحد بس، أوكي، يعني في البداية هنا في أول إعداد عندنا بيقولك حط زر تبديل السلاح فوق على اليسار. طبعا ده تستخدمه السبابة اليسرى في استخدامه، وتحط كمان يا أسطورة عندك الور تبع التلج تحت على اليسار، جنبيه زر التحرك، وبقية الإعدادات اللي هي الطبيعية: القفز، الجلوس، والانبطاح، وكمان زر الضرب. وتحط الزر اللي هو تبع الإسكوب عند التلويت.لو حابب تكتشف بقية الإعدادات، ممكن تحمل التطبيق من هنا وتستفيد من الكلام ده. طبعا هتلاقي إعدادات أصبعين كمان، وهتلاقي إعدادات لأربع أصابع وخمس أصابع. لو رحنا للصفحة الرئيسية، هيجيلك حاجة اسمها "Fire Button Size"، أفضل حجم لزر الضرب. ممكن أنت تختار الزر ده وهيجيلك أفضل حجم لزر الضرب ممكن تستخدمه لنوع جهازك، لأنه بيسالك أنت بتستخدم موبايل ولا بي سي. لو بتستخدم موبايل، بيبدأ إن هو يديك الإعدادات يا أسطورة.

حمل التطبيق من هنا

ازاي تتعود علي الاعدادات الجديده بسرعه

 طيب يا صديقي، نجي لجزئية إزاي هنتعود على الإعدادات. أول حاجة، عشان تتعود على الإعدادات بسرعة، تبدأ تشوف الأماكن اللي هي جديدة عليك. يعني، مش تحاول تتعود على كل الإعدادات مع بعضها، لأ، تبدأ تحاول تشوف مثلا زر تبع تبديل السلاح هو الجديد عليك، ما كنتش حطه قبل كده في مكان مختلف. وهتبدأ إن أنت تدخل جيم تدريب وتتحرك في المكان اللي أنت فيه وتبدأ إن أنت تستخدم الزر اللي هو جديد عليك ده بالإصبع المخصص ليه. ده هيسرع معاك من سرعة التعود على مكان الزر الجديد. نفترض مثلا إنك خلاص اتعودت على الزر ده، ومافيش أزرار جديدة عليك، هتبقى تعمل الحركات بتاعتك مع بعضها زي مثلا في حركة مشهورة، أنت مثلا بتكون بتجري وتبدل السلاح وتقفز وتضرب، يعني تضرب على العدو، بعد كده تنزل زر الضرب لتحت، تقعد وتفتح التلج وتضرب التلج، وبعد كده تضغط على تبديل السلاح وتضرب. شايف، كل الكلام ده تبدأ تتعود عليه واحدة واحدة. يعني، مثلا تغير السلاح وتقفز، تغير السلاح وتقفز وتضرب، تغير السلاح وتقفز وتضرب وتمشي مثلا،وتبدأ تضيف حاجة جديدة وتتعود عليها، تضيف حاجة جديدة لحد ما تتعود على الحركة كلها.

كيف تكون لاعب سريع في فري فاير

أول حاجة، يا أسطورة، عشان تبقى سريع في لعبة فري فاير، أنت محتاج تحفظ المواقف. أنت بتعمل فيها إيه؟ يعني مثلا، نفترض أنك واقف في بيت على السلم ومستني الخصم يجيلك من تحت. فانت تبقى عارف إن مثلا، لما أول ما يظهر خصم، هتضرب عليه وبعد كده تروح على الغرفة التانية، أو هتضرب عليه وتفضل في مكانك، أو مثلا لو لقيت تيم، هتحط تلج وتقفل السلم. فلازم أنت تبقى حاطط في ذهنك السيناريوهات دي، أو تبقى عارف أنت تعمل إيه. طيب، يا مستر ويكا، أنا معرفش أعمل إيه لما تيجي مثلا تقف في مكان، يعني، توقع إن في خصم هيجيلك مثلا من المكان ده، وهتبدأ تقول، أول ما يجيلي خصم، أنا هعمل كذا. فانت هتبقى سابق اللي قدامك بخطوة، لأن اللي قدامك هيتفاجئ بيك. نفس الكلام في الرومات. أنت مثلا حاطت تلج، وهو حاطت تلج، والله هتحرك من على اليمين، هقفز، وأحط تلج قدامي، وهبدأ أتحرك لحد ما اللي قدامي يظهر هضرب وأحط تلج. مثلا، أنت عملت سيناريو في دماغك، فاللي قدامك هيبقى رد فعله ابطئ منك، ودايما الفعل أسرع من ردة الفعل.