وأخيرًا حصلت على أقوى وأغلى جهاز في شركة أبل، وهو ايفون 15 برو ماكس. وبإذن الله سنقوم بعمل انبوكسنج اليوم معًا، وسنجيب على أسئلة كثيرة: هل الآيفون يحقق هيدشوت تلقائيًا في لعبة فري فاير؟ هل كلما كان الهاتف أقوى كان ذلك أفضل أم لا يُفرق؟ هل فعلاً هواتف الآيفون تتفوق على هواتف الأندرويد في لعبة فري فاير؟ أسئلة كثيرة سنجيب عليها اليوم.

جربت أقوي وأغلي هاتف ايفون في لعبه فري فاير

طبعًا كلنا عارفين الايفون 15 برو ماكس، أغلى وأحدث جهاز نزل في 2024 من شركة أبل أو في نهايات 2023. لسه آيفون 16 حتى التسريبات بتاعته لسه منزلتش وكده. أول حاجة، هنجرّب الهاتف بدون إعدادات الهيدشوت، يعني أول ما هنفتح اللعبة هنروح تدريب على طول يا أساطير، وهنجرب الهيدشوت بتاعه عشان نشوف هل هو فعلاً بيجيب هيدشوت تلقائيًا ولا زيه زي الأندرويد إعدادات والكلام ده. ثاني حاجة يا أساطير، هنبدأ إننا نلعب رومات ونشوف الرومات بتاعته إيه الأخبار فيها، إيه أخبار الحساسية بتاعة الشاشة، إيه أخبار استجابة الأزرار، كل الحاجات دي هنختبرها بإذن الله بعد الروم هنروح نلعب جيم سولو سكواد في الرانكد ونشوف الدنيا ماشيه إزاي برضه عشان نقدر نحدد وهكذا يا أساطير.

هل الايفون يجيب هيدشوت تلقائي

التليفون فعلاً بيجيب هيدشوت وهيدشوت سهل. والموضوع ده يا أساطير، أنا ملاحظ الفرق كويس لانني كنت مستخدم أندرويد وبدأت أستخدم الآيفون 13 وبدأت أستخدم أحدث جهاز من الآيفون 15 برو ماكس . إيه اللي فرق معايا يا أساطير؟ أول حاجة، رفع الإيم سهل. ده بيرجع للحساسية العالية بتاعة الآيفون. حاسس أنني بقيت أجيب هيدشوت أحسن وأسهل من الآيفون القديم وكمان من الأندرويد اللي كنت بلعب بيه زمان، هو ما زال عندي. فحرفيًا يا أساطير، التليفون فعلاً بيجيب هيدشوت، هو مش تلقائي يعني مش هكر، ولكن هو فعلاً الحساسية بتاعته عالية، فعشان كده الإيم بتاعك تحس إنه سلس كده وبيجيب هيدشوت. ده الانطباع الأول.

خلينا بقى حاليًا يا أساطير برضه عشان نعرف نقرر أكتر، نروح على الرومات اللي هي ون في ون، ونختبر السرعة ونختبر الهيدشوت وهكذا يا أساطير.والنتيجه،حرفيًا الجهاز سريع في الاستجابة للأزرار وسريع تفاعلاً وكده. وتحط تلج وتضرب وهكذا يا أساطير. وكمان يا أساطير، الهيدشوت جميل فيه يعني نقدر أن احنا نعتمد على الجهاز يا أساطير. وحاجة تانية لاحظتها يا شباب، إنه فعلاً كل ما تكبر الإمكانيات أو تجيب جهاز أفضل ده بيبقى أفضل ليك. ليه بقى؟ لأن مثلاً الهاتف اللي معايا حاليًا، كان معايا آيفون 13، الهاتف حاليًا 120 هيرتز، والهاتف كان 60 هيرتز. فهنا الهيرتز فرق. واللي عايز يعرف يعني إيه هيرتز وهكذا، وبيفرق في إيه؟ دي حساسية بمعنى أصح، أو بالمعنى البلدي، الجهاز سريع كأنه بقى سريع الضعف. الموضوع هو أكبر من كده ولكن دي بالبلدي يعني. فحرفيًا ده فرق معايا حتى في اللاج. إنه طبعًا 120 هيرتز دي بتفرق في قوة الجهاز وفي سرعة الجهاز وفي اللاج وهكذا. الجهاز مش بيحصل له أي لاج نهائيًا والجهاز يعني الحمد لله كويس. أنا مش بعمل أي ترويج يعني، الشركة مش محتاجة ترويج، أنا بقول بس الانطباع الأول على الجهاز، وعلشان برضوا يعني نشوف الدنيا ماشية إزاي، هننزل جيم رانك سولو سكواد يا أساطير. والنتيجه زي ما اتكلمنا موبايل يستحق الشراء.