من أكثر الأشياء اهميه في لعبه فري فاير بعد احتراف الهيدشوت هو احتراف السرعه يعني تكون لاعب سريع مينفعش ان انت تكون محترف في الهيدشوت ومش محترف في السرعه ومينفعش برضو تكون سريع ومش بتعرف تجيب هيدشوت. لي بقا؟

مثال بسيط انت مثلا بتعرف تجيب هيدشوت وانت مثلا مش سريع ابسط حاجه مثلا ان اللي ادامك مثلا يديك هيدشوت وانت متعرفش تتفاداها مثلا او ان اللي ادامك يدمجك ومتكونش سريع في وضع التلج فيقتلك على طول.

ابسط مثال برضو ان انت تكون سريع ومش عارف تجيب هيدشوت في الخصم بينما هو قادر يجيب فيك هيدشوت ويتخلص منك اسرع مانت ممكن تتخلص منو.

كيف تكون لاعب سريع في فري فاير

ازاي يا اساطير تكونو سريعين في لعبه فري فاير اول حاجه اساسيه في أساسيات السرعه في لعبه فري فاير وهي انك تحصل علي اعدادات وسائل التحكم المناسبه لعدد الأصابع اللي بتلعب بيها.

فلنفترض مثلا ان انت بتلعب بإصبعين مثلا وعامل إعدادات صعبه عليك ومش عارف تحفظها وكل ما تضغط على زر ميتضغطش ويقعد فتره وتبقا بطئ يعني حتى لو انت محترف هتبقا بطئ .

حتى لو انت معاك إعدادات بإصبعين وانت متعود عليها وحاسس نفسك بطئ اعرف ان الإعدادات دي محتاجه تحسين وان انت لو حسنت الإعدادات دي هتبقا سريع وانت حتى مش واخد بالك.

افضل اعدادات فري فاير باستخدام اصبعين

اول إعدادات معانا يا اساطير وهي إعدادات إصبعين زي ماهو واضح ادامك هي دي الإعدادات هي إعدادات سيمبل جدا كل ما عليك ان انت تعمله زر القفر دا هيكون على اليمين يعني نفس الاسطمبه البدائيه بتاعه إعدادات إصبعين اللي بتنزلهالك اللعبه بس فقط انت بتكبر الازرار يا اساطير.

طبعا احنا ضايفين هنا حاجه فوق اللي هو الزر بتاع القنابل دا اللي هو الزر تبع تبديل السلاح بتروح تفعله من وسائل التحكم عند تبديل السلاح السريع وتعمله مفعل بيتفعل معاك هنا في اللعبه وتقدر تغير مكانه وهكذا.

فكره الزر دا انك لما تضغط عليه بيغير لآخر سلاح انت كنت ماسكه ولنفترض مثلا انت كنت ماسك سلاح Ak وبعد كدا سيبت السلاح ومسكت مثلا الطاسه لو ضغطت على الزر تبع تبديل السلاح دا هيمسك سلاح الاي كي كمان اللي انت كنت ماسكه قبل كدا.

طب نفترض ان انت مثلا كنت ماسك سلاح الاي كي حاليا وبعد كدا مسكت سلاح M4a1 مثلا وجيت ضغطت على زر تبديل السلاح هيبدل لسلاح الاي كي اللي انت كنت ماسكه قبل كدا.

فلنفترض مثلا أن انت ماسك مسدس ديزيرت ايجل مثلا ومسكت مثلا ولنفترض زر التلج ولنفترض ان انت ضغطت مثلا على تبديل السلاح دا هيوديك على المسدس علطول من غير ما تروح بقا على الخانه بتاع الاسلحه وتضغط عليها وهكذا والموضوع يعني بيكون اسرع.

افضل اعدادات فري فاير باستخدام 3 اصابع

خلينا دلوقت نشرح إعدادات ثلاث اصابع باذن الله بالنسبه لاعدادات وسائل التحكم زي ماهو واضح ادامكم كدا إعدادات إصبعين البدائيه بتاع اللعبه مع تكبير شوي في حجم الازرار وهكذا ولكن أنا ضيفت حاجه وهي الزر تبع تبديل السلاح حاطه فوق على اليسار دا اللي هتستخدم ليه السبابه اليسري إعدادات بسيطه جدا وكمان الناس اللي بتعرف تلعب بثلاث اصابع هتبقى فاهمه ازاي تقدر تلعب بالاعدادات دي.

افضل اعدادات فري فاير باستخدام 4 اصابع

جينا حاليا يا اساطير لاعدادات اربع اصابع إعدادات اربع اصابع دي هتبقى صعبه شوي لو انت مش متعود على أربع اصابع انصحك متعملهاش او متحاولش ان انت تعملها لان الموضوع هيبقا صعب شوي زي ماهو واضح ادامكم كدا يا اساطير زر تبديل السلاح في الشمال زر الاسكوب على اليمين اللي انت هتستخدمله السبابه اليمنى والسبابه اليسري لتبديل السلاح وعلى اليسار زر التلج وزر القنابل وهكذا.

تطبيق يعطيك افضل اعدادات فري فاير

حاليا يا اساطير وصلنا لأهم نقطه في المقاله هنشرح Weka Custom Hud التطبيق من صنعي باين من الاسم طبعا أنه من صنعي والتطبيق امن بنسبه ميه في الميه برمجه حديثه جدا جدا على شغل عالي يعني واضاءات نيون بقا بص مظبطكم وتقدروا تحملوا التطبيق من هنا .

اول ما هتفتح التطبيق هيجيلك الصفحه الرئيسيه هيجيلك زرين الاول على اليسار وهو Custom Hud Settings لو دخلت عليه هيجيلك سؤال يا اساطير هل انت بتستخدم موبايل ولا pc انا عن نفسي بستخدم موبايل فهختار موبايل هيجيلك بقا اعدادات زي اعدادات اصبعين وتلاته واربعه وخمسة مش اعداد واحد بس اكثر من اعدادا وانت بتختار اللي انت عاوزه وتحطه في اللعبه.

ندخل بقا على الصفحه الرئيسيه تاني يا اساطير الحاجه التانيه بيقدمها التطبيق وهي Fire Button Size حجم زر الضرب لو دخلنا عليه هيقولك انت موبايل ولا بي سي بتختار انت نوع جهازك وهيديك افضل حجم حسب نوع جهازك او حسب كبر حجم الشاشه الخاصه بجهازك.

ازاي تتعود علي اي اعدادات فري فاير جديده

التعود بييجي من تكرار استخدام الشئ بمعني ان انت بتشوف الزر الجديد اللي ضفته او الزر اللي غيرت مكانه وبتروح علي التدريب ساحه الانتظار وبتفضل تضغط عليه كتير وتدخله كمان مع بعض الحركات اللي انت بتعملها مع بعض.

خليني اديك مثال زي انك تمشي ثم تضغط علي زر تبديل السلاح ثم تقفز ثم تضرب علي الخصم ثم تضغط علي تبديل السلاح وتجري عكس الاتجاه وهكذا بحيث تتعود علي الزر الجديد.