بما أنك دخلت على هذه المقاله فأنت أكيد عايز تحصل على أفضل إعدادات الهيدشوت في لعبة فري فاير حسب نوع جهازك عشان تقدر تحترف الهيدشوت وتتغلب على أصدقائك. حابب أقولك إنك في المكان الصحيح لأن بإذن الله في مقاله النهاردة هنتكلم عن كل حاجة تخص الإعدادات، وإزاي تحصل على إعدادات مناسبة لنوع جهازك، وإزاي كمان تعمل إعداداتك بنفسك، وإزاي كمان تبقى محترف هيدشوت 100% وتتغلب على أصدقائك .

افضل اعدادات الهيدشوت في لعبه فري فاير

أولاً يا أساطير، الإعدادات بتنقسم لأكثر من حاجة. أهم حاجة هي إعدادات الحساسية التي تتكون من حساسية العام (الجنرال), حساسية الريد دوت (اسكوب الريد دوت), حساسية سكوب 2, حساسية سكوب 4 وحجم زر الضرب.

تأكد من تعديل كل هذه الإعدادات للحصول على أفضل أداء هذه المقاله هتبقى عبارة عن جزئين: الجزء الأول أنا هشرحلك الإعدادات بناءً على خبرتي والجزء الثاني هعرفك إزاي يا أسطورة تحصل على الإعدادات المناسبه حسب نوع الجهاز اللي انت بتمتلكه لو معاك نوكيا حتي هجيبلك ليها إعدادات والجزء التالت هعرفك إزاي تعمل إعدادات بنفسك.

بالنسبة لاعدادات الهيدشوت اللي أنا أرشحها كالتالي:

• حساسية العام (الجنرال) : 133

• حساسية الريد دوت (السكوب الريد دوت) : 127

• حساسية سكوب 2 : 125

• حساسية سكوب 4 : 121

• حجم زر الضرب : 50

اعدادات الهيدشوت في فري فاير حسب نوع جهازك

لو عايز إعدادات مخصصة لنوع جهازك لازم تستخدم تطبيق Weka Settings التطبيق ده حاصل على أكثر من مليون تحميل.

خلينا نشرح التطبيق هتدخل عليه وتختار "Headshot Settings" وتختار نوع الجهاز بتاعك، سواء موبايل أو بيسي هنختار مثلاً "Mobile Phone"، وبعد كده هتسأل إذا كنت بتستخدم "دي بي آي" أو لا. لو بتستخدمه، اضغط "نعم"، ولو مش عارف يعني إيه "دي بي آي"، اضغط "لا". بعد كده هيتعرف التطبيق على نوع جهازك تلقائيًا، وهيديك الإعدادات المناسبة ليك زي Sensitivity Tool اعدادات الحساسيه و Fire Button Size حجم زر الضرب المناسبين لنوع جهازك.

كيفيه ضبط اعدادات فري فاير بنفسك

عايز تعمل الإعدادات بنفسك؟ آه، يا لقيم! مش عايز تستخدم تطبيقاتي ولا تشوف فيديوهاتي؟ ماشي، ماشي. يلا، هديك الطريقة! إن شاء الله نعمل لكم فيديو عن الموضوع ده مخصص، وإزاي تعمل الإعدادات بنفسك. الفكرة كلها إنك تروح للتدريب، وتبدأ تجرب الإعدادات على حاجه حاجه، زي مثلاً:

اول حاجه تجرب اعدادات حساسيه معينه بمعني تحطهم كلهم 100 وتشوف الحساسيه كويسه ولا بطيئه وتبدا تزود فحساسيه العام وبعد كل تدخل علي كل حساسيه عندك تظبها برضو وهكذا.

بعد كدا تدخل علي زر الضرب تجرب احجام عشوائيه من 40 الي 60 في الحجم لحد متحصل علي زر الضرب المناسب ليك, بعد كدا تبدا تجرب الاعدادات علي الاسلحه اللي بتحسبها وتعدل فيها بحيث تعليق علي كل الاسلحه.

صعوبه الاعدادات في ان كلها بتعتمد علي بعضها حساسيه العام وحجم زر الضرب ومكانه وحساسيه الشاشه وهكذا لذا عملت التطبيقات علشان توفر عليك كل هذا العناء.